Ser du for deg ei framtid som sjukepleiar, sosionom, fysioterapeut eller liknande? Helse og oppvekst – studieførebuande er eit godt val for deg som ønskjer høgare utdanning innan helse- og oppvekstsektoren.
Kvifor velje 3-årig Helse- og oppvekstfag med generell studiekompetanse?
Helse- og oppvekstfag er noko for deg som likar og ser meining i å hjelpe andre til å meistre liva sine og legge til rette for ein trygg oppvekst og god alderdom.
Det er svært stor etterspørsel etter arbeidskraft innanfor helse- og oppvekstsektoren, så med dette valet vil du bli ein attraktiv arbeidssøkar.
Dette er for deg som:
- vil studere vidare på høgskole eller universitet for å til dømes bli sjukepleiar, lærar, psykolog, sosionom, barnehagelærar, barnevernspedagog, fysioterapeut og mykje meir.
- ønskjer ei meir praktisk og fagleg tilpassa opplæring fram til generell studiekompetanse.
- ønskjer ei jamnare fordeling av fellesfag og programfag der påbyggsfaga er inkludert i utdanningsløpet.
