Frå hausten 2026 opnar skulen eit nytt tilbod innan kvardagslivstrening (HTH). Avdelinga er retta mot elevar med behov for omfattande tilrettelegging, og vil gi eit trygt og tilpassa læringsmiljø i små grupper.
Frå skulestart i august 2026 opnar vi ei ny avdeling ved skulen: Kvardagslivstrening (HTH). Tilbodet er retta mot elevar som har behov for omfattande individuell tilrettelegging og eit varig tilpassa opplærings- og omsorgstilbod.
Avdelinga held til i første etasje, i lyse og trivelege lokale med eigen inngang. Eit erfarent team beståande av spesialpedagogar, miljøarbeidarar, rådgjevar og avdelingsleiar vil følgje opp elevane.